WOMEN

AIPWA Gheraos Jharkhand Assembly

Thousands of women organized under the banner of AIPWA in Jharkhand held a gherao of the Jharkhand Assembly on 2 February 2015 with a forceful protest including a “gate jam” at Birsa chowk. Addressing the protest meeting AIPWA national president Meena Tiwari

...Full Text

AIPWA and Midday Meal Workers’ Union Hold Massive Protest in Patna

On 31 March 2015, about 10,000 women protested in front of the office of the Bihar Chief Minister Nitish Kumar under the banner of the All India Progressive Women’s Association (AIPWA) and the Bihar State School Midday Meal Workers’ Association. Women gathered

...Full Text

Protests in Karbi Anglong Over the Rape of Three Women, Including a Teenager by Army Jawans

On 6 April 2015, a 13 year old teenage girl was picked up and raped by an eight-member patrol team of Army jawans posted at Dokmoka. When the girl’s mother and another female relative rushed to the site in order to rescue

...Full Text

Vidhansabha Gherao by Jharkhand Midday Meal Workers’ Association

Under the banner of the Jharkhand State School Midday Meal Workers Association, midday meal women workers and conveners gheraoed the Jharkhand Assembly with a 30 point demand charter on 27 March 2015. Thousands of women workers across Jharkhand blocked the Assembly gates for

...Full Text

District Conference of Midday Meal Workers in Patna

The founding conference of the Patna district unit of the Bihar State School Midday Meal Workers Association concluded on 19 April in Comrade Siyamani Devi auditorium. Nearly 250 midday meal workers’ representatives from 8 blocks and several AIPWA leaders participated in the conference.

...Full Text

May Day Convention of Working Women organised by AIPWA in Hoogly

On the 1st of May, All India Progressive Women's Association, Hoogly unit, organized a discussion session, cultural programme and documentary screening at All India Postal Employees Union hall in Chuchurah. Women workers from various fields including ASHA workers, midday meal,

...Full Text

Moga Molestation and Murder Bring the Badals Within the Orbit of the Law!

A 13-year-old Dalit girl was molested and flung to her death from a bus in Punjab, along with her mother who survived with grievous injuries. The molestation, which took place in broad daylight, has rekindled memories of the December 16th 2012

...Full Text

தமிழ்நாட்டில் மார்ச் 8

2015 மார்ச் 8 போல், ஒரு சர்வதேச உழைக்கும் பெண்கள் தினத்தை இதுவரை தமிழ்நாடு பார்த்திருக்கிறதா? மார்ச் 8க்கு முன் சில நாட்களும் அதையடுத்த சில நாட்களும் நடக்கின்ற பெண்கள் மீதான தாக்குதல்களும் பெண்கள் பிரச்சனைகளில் கருத்துச் சுதந்திரம் மறுக்கப்படுவதும், இந்தக் கேள்விக்கு இல்லை என்ற பதில் தரக்கூடும். மார்ச் 8 அன்று வழக்கம்போல் எல்லா தலைவர்களும் வாழ்த்துச் சொன்னார்கள். ஊழல் வழக்கில் சிறை சென்று, பதவியிழந்த முன்னாள் முதலமைச்சர் ஜெயலலிதா, ஊழல் வழக்கில் திகார் சிறையில் நூறு நாட்களுக்கும் மேல் கழித்த கனிமொழி, கவுரவக் கொலைகளை நியாயப்படுத்தும்விதம் பேசுகிற, செயல்படுகிற ராமதாஸ், பெண்கள் ஆண்களுக்குக் கீழானவர்கள் என்று சொல்லும் மனு தர்மத்தை உயர்த்திப் பிடிக்கும் பாஜகவின் மாநிலத் தலைவர் தமிழிசை என தமிழக பெண்களுக்கு வாழ்த்துக்கள் குவிந்தன. மார்ச் 8 பற்றி ராமதாஸ் ஒரு புதிய விளக்கமே தந்து, குடும்பத்து பெண்கள் படும் துன்பம் பற்றி அறிக்கை வெளியிட்டிருந்தார். ஜெயா தொலைக்காட்சியில் பல்வேறு துறைகளிலும் வெற்றிகரமான செயல்பாடுகளை வெளிப்படுத்திய பெண்கள் பெண்ணுரிமை பற்றி பேசினார்கள். நல்லது, நன்றி, மகிழ்ச்சி என்று சொல்ல முடியவில்லை.தனது மகள் யாரையோ காதலித்த குற்றத்துக்காக, அந்த 21 வயது பெண்ணை நடுவீதிக்குக் கொண்டு வந்து, அனைவரும் பார்க்க தந்தை அடித்து உதைத்த சம்பவம் நெஞ்சை அடைக்கும் அளவுக்கு அதிர்ச்சியை ஏற்படுத்தியுள்ளது. இந்தக் கொடும் சம்பவம் நடந்தது பெங்களூருவில். ஆனால், அந்தத் தந்தை மதுரையைச் சேர்ந்த ஒரு காவல்துறை துணை ஆய்வாளர். அந்தப் பெண்ணுக்கு பாடம் கற்பிக்க அப்படிச் செய்தாராம். இந்த காவல்துறை அதிகாரி, அவரது காவல்நிலையத்துக்கு, பெண்கள் மீதான வன்முறை புகார் வந்தால், மனைவியை கணவனோ, அண்ணன் தங்கையையோ, தம்பி தமக்கையையோ தாக்கியதாக புகார் வந்தால் எப்படி அணுகுவார்? அந்தப் பக்கமாக வந்த இரண்டு பெண்கள் அந்தப் பெண்ணை தற்காலிகமாக காப்பாற்றியிருக்கிறார்கள்.பாதிக்கப்பட்ட பெண் புகார் தரவில்லை. அப்பட்டமாக, அனைவரும் பார்க்க, சர்வ சாட்சியங்களும் நிரூபிக்கக் கூடிய, தண்டனைக்கு உரிய குற்றத்தில் ஈடுபட்ட அந்த காவல்துறை அதிகாரி பாதுகாக்கப்பட்டுவிட்டார். சம்பவம் நடந்தது எங்கேயோ. புகாரும் தரப்படவில்லை.அவர் தமிழ்நாட்டில் நெஞ்சு நிமிர்த்தி காவல் நிலையத்துக்கு பணிக்கும் செல்வார்.இது போன்ற தந்தைகள் பெண்களுக்கு பாதுகாப்பு என்று ராமதாஸ் போன்றவர்கள் சொல்கிறார்கள். அந்த காவல்துறை அதிகாரியைக் கண்டித்து குறைந்தபட்சம் ஓர் அறிக்கை, குறைந்தபட்ச துறைரீதியான நடவடிக்கை என இருந்தால் தமிழ்நாட்டின் பெண்களுக்கு நம்பிக்கை ஏற்படும். ஆனால், ஜெயலலிதா மவுன விரதத்தில் இருக்கிறார். அவர் ஆணையிட்டால்தான் முதலமைச்சர் பன்னீர் செல்வம் சுண்டுவிரலைக் கூட அசைப்பார். தாக்கக் கூடியவர்களிடமே தஞ்சம் புகவேண்டிய நிலைமையில் இருந்து தமிழ்நாட்டின் பெண்களை பாதுகாப்பது பற்றி ஜெயலலிதாவுக்கோ, பன்னீர்செல்வத்துக்கோ அக்கறை இல்லை. சரிகா ஷாவை பலி கொடுத்த பிறகுதான், அதையடுத்து நடந்த போராட்டங்களால்தான் பாலியல் சீண்டலுக்கு எதிரான சட்டத்தை தமிழ்நாட்டு பெண்கள் பெற்றார்கள். அப்போதும் அஇஅதிமுக ஆட்சிதான் நடந்துகொண்டிருந்தது. ஜெயலலிதாதான் முதலமைச்சர். அன்று பாலியல் சீண்டலாக இருந்தது இன்று பல்வேறு பரிமாணங்கள் பெற்று வளர்ந்து திராவக வீச்சு வரை வந்துவிட்டது. பேருந்துக்காக காத்திருந்த மாணவியை தலையில் குட்டி கிண்டல்   செய்திருக்கிறார்கள். அவமானம் தாங்காமல் தன்னை எரித்துக் கொண்டுவிட்டார் அந்தச் சிறுமி. முந்தைய திமுக ஆட்சிகளில் நடந்த தவறுகளை எல்லாம் மாற்றி ஜெயலலிதா நல்லாட்சி நடத்தினார், இப்போதும் அவர் வழிகாட்டுதலில் நல்லாட்சி நடக்கிறது என்கிறார்கள்       அஇஅதிமுககாரர்கள். அவர்கள் ஆட்சியில் போடப்பட்ட ஒரு சாதாரணமான சட்டம் கூட அமலாகாமல் ஒரு மாணவி தற்கொலை செய்து கொள்ளும் நிலைக்குத் தள்ளப்படும்போது அங்கு நல்லாட்சி நடப்பதாகச் சொல்லப்படுவதை யாரும் ஏற்றுக்கொள்ள முடியாது. தாலி பெண்ணுக்கு வேலியல்ல, அடிமைச் சங்கிலி என்று தமிழ்நாட்டில் என்றோ பெரியார் சொல்லி, பலரும் ஒப்புக்கொண்டு தாலியில்லாத திருமணங்களை தமிழ்நாடு பார்த்துவிட்டது. இன்று தாலி வேண்டாம் என்று சில பெண்கள் சொன்ன நிகழ்ச்சியின் முன்னோட்டத்தைக் கூட சகித்துக் கொள்ளாத நிலை தமிழ்நாட்டில் உருவாகிவிட்டது. ஜெயலலிதா தலைமை   தாங்கும் அஇஅதிமுகவே குட்டி பாஜகதான், தமிழ் நாட்டுக்கு தனியாக பாஜக தேவையில்லை என்று கம்யூனிஸ்டுகள் சொல்லி வந்தது இப்போது நடைமுறையில் மீண்டும் ஒரு முறை நிரூபிக்கப்பட்டுள்ளது. இந்து இளைஞர் சேனா என்ற அமைப்பு திடீரென்று முளைத்து அந்த நிகழ்ச்சியையே ரத்து செய்யும் சூழலை உருவாக்கிவிட்டது. நாங்கள்தான் குண்டு வைத்தோம் என்று பெருமையுடன் சொல்லி கைதாகியிருக்கிறார்கள். தாக்குதலுக்கு உள்ளாக்கப்பட்டது ஊடகச் சுதந்திரம் மட்டுமல்ல. பெண்கள் தங்கள் கருத்துக்களை வெளிப்படுத்தும் உரிமையும்தான் பறிக்கப்பட்டுள்ளது. மார்ச் 8 அன்று அந்த நிகழ்ச்சி ஒளிபரப்பாகியிருக்க வேண்டும்.       நடக்கவில்லை.அந்த நிகழ்ச்சி நடப்பதை உறுதிப் படுத்த அரசு தரப்பில் இருந்து எந்த         நடவடிக்கையும் இல்லை. நிகழ்ச்சி ரத்து செய்யப்பட்ட பிறகு குண்டுவெடிப்புச் சம்பவம் நடந்துள்ளது. இப்போதும் சில சம்பிரதாய கைது நடவடிக்கைகள் நடந்துள்ளன. கருத்துச் சுதந்திரத்தைக் பாதுகாக்கும் அரசியல் சாசனக் கடமையில் இருந்து தமிழக அரசு மீண்டும் ஒரு முறை தவறியுள்ளது. அரசு, பிற்போக்கு சக்திகள்பால் மென்மையான அணுகுமுறையையே மேற்கொள்கிறது. கொங்குநாட்டுப் பெண்களை கதைகள் எழுதி சிறுமைப்படுத்துகிறார்கள் என்று சத்தம் போடுகிற சிலர் அங்கே நிலவுகிற சுமங்கலித் திட்டத்தில் சிறுமிகள் கருகிப் போவதைப் பற்றி பேச மறுக்கிறார்கள். அந்த கொத்தடிமைத் திட்டத்தில் பிற மாவட்டச் சிறுமிகள் மட்டுமின்றி கொங்குநாட்டுச் சிறுமிகளும்தான் அல்லலுறுகிறார்கள். அங்கு கடுமையான உழைப்புச் சுரண்டலுடன் பணியிடத்தில் பாலியல் சீண்டல் முதல் பல்வேறு பிரச்சனைகளை அந்தச்   சிறுமிகள் எதிர்கொள்கிறார்கள். புதிய தலைமுறை அலுவலகத்தில் குண்டு வீசியவர்கள், எங்கள் பெண்களை சுரண்டுகிறார்கள் என்று சொல்லி அந்த நிறுவனங்கள் மீது சாதாரண     குற்றச்சாட்டாவது எழுப்பியிருக்கிறார்களா? கொங்கு நாட்டு தன்மானச் சிங்கங்களுக்கு இன்னொரு கேள்வி. உறவுகளை   அவமதிக்கிறார்கள் என்று தார்மீகச் சீற்றம் காட்டிய நீங்கள்,  மேற்கு மாவட்டங்களில் உள்ள தனியார் மருத்துவமனைகளில் கருமுட்டை விற்பனை நடப்பது பற்றி ஏன் மவுனம் காக்கிறீர்கள்? உங்களுக்குத் தெரியாது என்று நீங்கள் சொல்ல முடியாது.ஆனந்தவிகடன், நக்கீரன் போன்ற ஜனரஞ்சகப் பத்திரிகைகள் அதுபற்றி விவரமான செய்திக் கட்டுரைகள் வெளியிட்டிருந்தன. நீங்கள் அந்த மருத்துவமனைகளுக்குச் சென்று எங்கள் பெண்களின் உடல்களை விற்பனை பொருட்கள் ஆக்காதீர்கள் என்று ஏன் கேட்கக் கூடாது? உங்கள் பார்வையில் கருமுட்டைதான் எவ்வளவு புனிதமானது? அதை விலை பேசுகிறார்களே, உங்கள் ரத்தம் கொதிக்கவில்லையா? 2011க்குப் பிறகான அஇஅதிமுக ஆட்சியில் மட்டும் 4,697 பெண்கள் பாலியல் வன்முறைக்கு உள்ளாக்கப்பட்டிருப்பதாக ராமதாஸ் தகவல் தருகிறார். இதற்கு மது காரணம் என்கிறார். மது மட்டும் காரணம் அல்ல, ராமதாஸ் அவர்களே, இளவரசன் பிணமானதற்கு முன்னும் பின்னும் நீங்கள் நடத்திய அரசியலும் காரணம். தமிழக அரசின் குற்றமய அலட்சியமும், நீங்கள் வெளிப்படுத்திய சாதியாதிக்க, ஆணாதிக்கக் கருத்துக்களும் சேர்ந்துதான் தமிழகத்தின் காவல்துறை அதிகாரி ஒருவரை, ஒரு தந்தையாக தனது கடமையை செவ்வனே செய்ய தூண்டியுள்ளது என்பதை உங்களால் மறுக்க முடியாது. முகேஷ் சிங் வெளிப்படுத்தியுள்ள கருத்துக்கள் பெண்கள் பாதுகாப்பு பற்றிய அச்சத்தை ஏற்படுத்தியிருக்கின்றன என்கிறார் ராமதாஸ். ராமதாசும் அதே கருத்துக்களுக்குச் சொந்தக்காரர்தான். ஆணாதிக்க, சாதியாதிக்க, பிற்போக்கு, இருட்டடிப்பு சக்திகளுடன் சேர்ந்து கொண்டு அரசு என்னதான் ஆட்டம் போட்டாலும் சமூகத்தின் முன்னோக்கிய பயணத்தை பின்னோக்கித் திருப்புவது அவ்வளவு எளிதல்ல. பெண்களை வீட்டுக்குள் பூட்டும் கருத்துக்களை அவர்கள் வலிந்து திணித்துக் கொண்டிருக்கும் சூழலில், தமிழ்நாட்டில் பாலியல் வன்முறை வழக்கில், குற்றவாளிக்கு பிணை வழங்கக் கூடாது என்று பாதிக்கப்பட்ட பெண்ணே நீதி மன்றத்தில் வாதாடியிருக்கிறார். இதுபோன்ற பெண்கள் நம்பிக்கை தருகிறார்கள்.களங்கம், அவமானம் என என்னதான் சொல்லப்பட்டாலும், பாலியல் வன்முறை ஒரு குற்றம், அதைச் செய்த குற்றவாளி தப்பித்துவிடக் கூடாது என்று துணிச்சலே உருவமாய் அந்தப் பெண் நீதிமன்றம் வந்திருக்கிறார். அவர்கள் அனைவரையும், பாதிக்கப்பட்ட பெண், பாரதி சொன்னது போல் முகத்தில் உமிழ்ந்திருக்கிறார் என்று தான் சொல்ல வேண்டும். மார்ச் 8ன் போராட்ட உணர்வை, தான் செய்தே தீர வேண்டிய விதத்தில், அந்தப் பெண் வெளிப்படுத்தியிருக்கிறார். இதுதான் மார்ச் 8ன் போராட்ட உணர்வு என்று அந்தப் பெண்ணுக்கு தெரியாமல் இருக்கக் கூட வாய்ப்புள்ளது. ஆனால், நாடு முழுவதும் முற்போக்கு சக்திகள் நடத்துகிற போராட்டம், சமூகம் ஒட்டுமொத்தமாக எட்டியுள்ள வளர்ச்சியின் கட்டம் அந்தப் பெண்ணை பழையன கழிக்கச் செய்திருக்கிறது. ஓர் ஆவணப் படத்தை, ஒரு தொலைக்காட்சி விவாதத்தை தடுத்து நிறுத்தி விட்டால், ஜனநாயகம், சுதந்திரம், மாற்றம் விரும்பும், பெண்களின் முன்னேறுகிற போராட்டப் பயணத்தை தடுத்துவிட முடியாது. இந்து இளைஞர் சேனாவினர் எச்சரிக்கையாக இருக்க வேண்டும். தாலியைச் சுமப்பதால் ஒரு பெண் அடிமையாக இருக்கிறாள் என்று புரிந்துகொள்வார்களானால் அவர்கள் முட்டாள்களின் சொர்க்கத்தில் வாழ்ந்து கொண்டிருக்கிறார்கள். மக்கள் விரோத நடவடிக்கைகளில் சற்றும் தளராமல் செயல்படுகிற அஇஅதிமுக அரசு, தமிழக மக்களின், பெண்களின் ஜனநாயக உரிமைகளை, வாழ்வாதார உரிமைகளை, அரசியல் சாசன உரிமைகளைப் பாதுகாக்கத் தவறினால், நீதிமன்றத்தில் மட்டுமின்றி மக்கள் மன்றத்திலும் தண்டிக்கப்படும்.

...Full Text

மார்ச் 8 சர்வதேச உழைக்கும் பெண்கள் தினத்தன்று

மார்ச் 8 சர்வதேச உழைக்கும் பெண்கள் தினத்தன்று ஏஅய்சிசிடியுவும் அகில இந்திய முற்போக்கு பெண்கள் கழகமும் பெண்கள் மத்தியில் கூட்டங்கள் நடத்தின. திருவள்ளூர்:செங்குன்றத்தில் தோழர் லட்சுமி தலைமையில் நடைபெற்ற ஆர்ப்பாட்டத்தில் தோழர்கள் சூரியா, கலையரசி, வசந்தி, முத்துலட்சுமி, சுஜாதா, செய்யத் அலி பாத்திமா, அங்கம்மாள், ஜெய்சாந்தி ஆகியோர் முன்னிலை வகித்தனர். தையல் தொழிலாளர் நிலைமைகள் பற்றிய ஏஅய்சிசிடியு வெளியீட்டை முற்போக்கு பெண்கள் கழக மாவட்ட பொறுப்பாளர் தோழர் சாந்தி வெளியிட சிறுகடை நடைபாதை வியாபாரிகள் சங்கத்தின் தோழர் ரம்ஜான் பெற்றுக் கொண்டார். அகில இந்திய முற்போக்கு பெண்கள் கழக மாநில துணைத்தலைவர்கள் தோழர்கள் குப்பாபாய், தேவகி, மாநிலச் செயலாளர் தோழர் செண்பகவள்ளி உரையாற்றினர். அவிதொச மாநிலப் பொதுச் செயலாளர் தோழர் ஜானகிராமன், ஏஅய்சிசிடியு மாநிலத் துணைப் பொதுச் செயலாளர் தோழர் எ.எஸ்.குமார், மாநிலச் செயலாளர் தோழர் க.ராமன், மாவட்டத் தலைவர் தோழர் மணி, அகில இந்திய மாணவர் கழக மாவட்டப் பொறுப்பாளர் தோழர் சீதா உரையாற்றினர். இகக மாலெ மாநிலச் செயலாளர் தோழர் பாலசுந்தரம் நிறைவுரையாற்றினார். நாமக்கல்:பள்ளிபாளைத்தில் மார்ச் 8 கூட்டம் தோழர் ராசாத்தி தலைமையில் நடத்தப்பட்டது. மாலெ கட்சி மாநிலக் குழு உறுப்பினர் தோழர் மலர்விழி, மாவட்டச் செயலாளர் தோழர் ஏ.கோவிந்தராஜ், ஏஅய்சிசிடியு மாநிலச் செயலாளர் தோழர் கே.கோவிந்தராஜ் மற்றும் விசைத்தறி பெண் தொழிலாளர்கள் கலந்துகொண்டனர். தையல் தொழிலாளர் நிலைமைகள் பற்றிய வெளியீட்டை படித்து விவாதித்தனர். திண்டுக்கல்: மார்ச் 8 அன்று ஏஅய்சிசிடியு நடத்திய கூட்டத்துக்கு தோழர் ஈஸ்வரி தலைமை தாங்கினார். ஏஅய்சிசிடியு மாநிலச் செயலாளர் தோழர் மணிவேல் கலந்து கொண்டார். திண்டுக்கல்லில் ஏப்ரல் 26 அன்று நடைபெறவுள்ள தமிழ்நாடு ஜனநாயக கட்டுமானத் தொழிலாளர் சங்கத்தின் மாநில மாநாட்டை வெற்றிகரமாக்குவது என கூட்டம் உறுதியேற்றது. சென்னை:மார்ச் 10 அன்று ஏஅய்சிசிடியு நடத்திய கூட்டத்துக்கு மாநிலச் செயலாளர் தோழர் முனுசாமி தலைமை தாங்கினார். தோழர்கள் லில்லி, தனலட்சுமி, விஜயகுமாரி, காந்தா ஆகியோர் முன்னிலை வகித்தனர். அகில இந்திய முற்போக்கு பெண்கள் கழக மாநிலத் தலைவர் தோழர் தேன்மொழி, துணைத்தலைவர்கள் தோழர்கள் குப்பாபாய், தேவகி, ஏஅய்சிசிடியு மாநில சிறப்புத் தலைவர் தோழர் எஸ்.ஜவகர், மாநிலச் செயலாளர் தோழர் ஆர்.மோகன், மாலெ கட்சி மாவட்டக்குழு உறுப்பினர் தோழர் கே.வேணுகோபால் உரையாற்றினர். நெல்லை:நெல்லையில் மார்ச் 11 அன்று தோழர் சுமதி தலைமையில் பொதுக்கூட்டம் நடைபெற்றது. அகில இந்திய முற்போக்கு பெண்கள் கழக மாவட்டப் பொறுப்பாளர் தோழர் அன்புச்செல்வி, பகுதிப் பொறுப்பாளர் தோழர் திலகவதி உரையாற்றினர். கட்சி மாவட்டக் குழு உறுப்பினர்கள் தோழர்கள் கணேசன், கருப்பசாமி, மாவட்டச் செயலாளர் தோழர் சங்கரபாண்டியன் உரையாற்றினர்.

...Full Text

இணைப்பு

http://cpimltn.blogspot.in http://mlupdatetamil.blogspot.in https://www.facebook.com/cpimlliberation https://www.facebook.com/aicctutamilnadu

...Full Text

சட்டவிரோத கருமுட்டை விற்பனை கூடாது

ஈரோட்டில் 28.02.2014 அன்று சட்டவிரோத கருமுட்டை விற்பனையை தடுக்க வேண்டும் என்ற பொருளில் ஏஅய்சிசிடியு கருத்தரங்கம் நடத்தியது. வழக்கறிஞர் ப.பா.மோகன், பியுசிஎல் பொதுச் செயலாளர், ச.பாலமுருகன், மக்கள் நல்வாழ்வு இயக்க ஒருங்கிணைப்பாளர் கண.குறிஞ்சி, தமிழ்தேச மக்கள் கட்சி பொதுச் செயலாளர் நிலவன், மாலெ கட்சி மாநிலக் குழு உறுப்பினர்கள் தோழர்கள் என்.கே.நடராஜன், எ.சந்திரமோகன் மாவட்டக் குழு உறுப்பினர் பொன்.கதிரவன், ஏஅய்சிசிடியு மாவட்ட துணை செயலாளர் தோழர் எஸ்.சுப்பிரமணி ஆகியோர் உரையாற்றினர்.

...Full Text

சட்டவிரோத கருமுட்டை விற்பனை: பெண்ணுடல் மீது இன்னுமொரு தாக்குதல்

டாக்டர் ஹெர்டா ஓபர்ஹுசர் குழந்தைகளுக்கு எண்ணெய் ஊசி போட்டு கொன்றார். ஊசி போட்டதில் இருந்து மூன்று முதல் அய்ந்து நிமிடங்களில் மரணம் ஏற்படும். இந்த இடைவெளியில் முழுநினைவு இருக்கும். ஊசி போடப்பட்டவர்களின் கால்,கை மற்றும் முக்கியமான உடல் உறுப்புக்கள் ஒவ்வொன்றாக வெட்டி எடுக்கப்படும். கார்ல் கிளாபர்க் என்ற மருத்துவ ஆராய்ச்சியாளர் ஆயிரக்கணக்கான யூத பெண்களின் கருப்பைக்குள் ஊசி மூலம் வேதியல் பொருட்களை செலுத்தியுள்ளார். யூத பெண்களுக்கு ஊசி போடப்பட்டு மகப்பேறு ஆற்றல் அகற்றப்பட்டது. இரண்டு எக்ஸ்ரே எந்திரங்களுக்கு நடுவில் பிறப்புறுப்பில் கதிர்வீச்சு பாயும்படி யூத பெண்களை அமரவைத்தார். கதிர்வீச்சால் பாதிக்கப்பட்டு அவர்களால் எந்த வேலையும் செய்யமுடியாமல் போய்விட்டால் அவர்கள் வீண் என்று விசவாயு அறையில் கொல்லப்பட்டுவிடுவார்கள். பெண்களுக்கு 10 நாட்களுக்கு உயர்திறன் ஹார்மோன் ஊசிகள் போடப்பட்டு முட்டை உற்பத்தி செயற்கையாக அதிகரிக்கப்படும். பிறகு மூன்று நாட்கள்கழித்து, மயக்க மருந்து தரப்பட்டு, உடலுக்குள் ஊசி செலுத்தப்பட்டு அந்த ஊசி மூலமாகவே அந்த முட்டைகள் வெளியே எடுக்கப்படும். ஒரு பெண் எத்தனை முட்டைகள் உருவாக்க முடியும் என்பது பிறப்பிலேயே நிர்ணயிக்கப்பட்டுவிடுகிறது. கூடுதல் கருமுட்டைகள் எடுக்க பயன்படுத்தப்படும் மருந்துகள் பின்விளைவுகளை உருவாக்கும். அந்தப் பெண்களுக்கு தலைவலி,உடல் பருமன், அசதி முதல்,கைகால் செயல் இழத்தல்,சிறுநீரகக் கோளாறு, மரணம் என பலவிதமான பாதிப்புகள் ஏற்படும். நவீன வதை முகாம்கள் முதல் இரண்டு நடைமுறைகள் ஹிட்லரின் வதைமுகாம்களில் இருந்த யூதர்கள் மீது நடத்தப்பட்ட மருத்துவ பரிசோதனைகள். மனித உடல் எவ்வளவு வெப்பம், குளிர், வலி தாங்கும் என்று ஹிட்லரின் மருத்துவர்கள் பரிசோதித்துப் பார்க்க யூதர்கள் பயன்படுத்தப்பட்டனர். மூன்றாவது செயல்முறை தமிழ்நாட்டில் இப்போது நடப்பது. பெண்ணுடலும் எவ்வளவு தாங்கும் என்று தமிழ்நாட்டின் சில மருத்துவர்களும், ஆணாதிக்கச் சமூகமும் விதவிதமாக பரிசோதித்துப் பார்க்கின்றனர். இந்த மூன்று செயல்முறைகளில், ஹிட்லர் வதை முகாம்களில் நடந்தது வரலாற்று சோகம். மேற்கு மாவட்ட மருத்துவமனைகளில், அதுபோன்ற ஒன்றுதான் நடக்கிறது. மனிதர்களைப் பற்றிய எந்த உணர்வும் அற்ற ஒரு கூட்டம் நடத்துகிற வெறிச் செயல்கள் இவை. இந்த மூன்றாவது செயல்முறைக்கு 18 முறை உட்படுத்தப்பட்ட பெண் நாமக்கல் மாவட்டத்தைச் சேர்ந்த 25 வயதான சகுந்தலா. 25 வயதுக்குள், திருமணம், 5 வயது குழந்தை, 18 முறை கருமுட்டை விற்பனை, திருமணமான மூன்று மாதங்களில் கணவனின் நிர்ப்பந்தத்தால் சிறுநீரக விற்பனை என எல்லாம் பார்த்துவிட்டார். குடும்பமும் திருமணமும் பெண்ணுக்கு பாதுகாப்பு என்று சொல்பவர்க்கு சகுந்தலாவின் கதறல் சத்தம் கேட்கிறதா? சாதி, மத, இன துவேசம் எதுவானாலும் பெண்ணுடல் பழிதீர்க்கும் களம். பார்க்கிறோம். முடிவின்றி பார்க்கிறோம். பக்கத்தில் இருப்பவனுக்கும் பெண்ணுடல் இன்னும் எத்தனை காலம் பணம் செய்யும் பொருளாகவே தொடரும்? பெண்ணுடல் மீது தொடுக்கப்படும் விதவிதமான போர்கள் என்று தான் ஓயும்? சகுந்தலாக்கள் கதை சகுந்தலாவும் அவரது கணவரும் பஞ்சாலை தொழிலாளர்கள். உலகெங்கும் உள்ள ஒடுக்கப் பட்டோர் கூட்டத்தைச் சேர்ந்தவர்கள். ஆனால், நவராஜ் என்ற கூலியடிமைக்கு சகுந்தலா கொத்தடிமை. நவராஜுக்கு தனது மனைவி சகுந்தலா தங்க முட்டையிடும் வாத்து. வந்து கொண்டே இருக்கும் தட்சணை. ஜனவரி 2 அன்று சகுந்தலா நாமக்கல் மாவட்ட மாலெ கட்சி அலுவலகத்துக்கு வந்தார். தனது கணவர் நவராஜ் தன்னை கருமுட்டை விற்பனையில் தொடர்ந்து கட்டாயப்படுத்தி ஈடுபடுத்துவதாகவும், அதன் மூலம் வரும் பணத்தை குடித்துத் தீர்ப்பதாகவும், உடல் உறவின்போது ஆபாசப் படங்களைப் போட்டு அதில் வரும் காட்சிகள் போல நடக்கச் சொல்வதாகவும், ஆண்களுடன் பேசினால் சந்தேகப்பட்டு அடிப்பதாகவும் தெரிவித்தார். வேறு நடவடிக்கை ஏதும் எடுக்கும் முன்பு அவர் கணவரிடம் விசாரிப்பதற்காக மாலெ கட்சி தோழர்கள் அவருடன் தொலைபேசியில் தொடர்பு கொண்டனர். அவரிடம் அவதூறு மட்டுமே பதிலாக கிடைத்தது. ஜனவரி 6 அன்று காவல் நிலையத்தில் புகார் தெரிவிக்க சகுந்தலா சென்றபோது காவல்துறையினர் நவராஜ் மீது நடவடிக்கை எடுப்பதற்கு பதிலாக, அவர்கள் பிரிந்துவிட அறிவுரை சொல்லி காவல் நிலையம் எதிரில் உள்ள வழக்கறிஞரிடம் அனுப்பி வைத்திருக்கிறார்கள். அந்த வழக்கறிஞரும் அவர்களிடம் ஏதோ எழுதித் தந்து அவர்கள் பிரிந்துவிட்டதாகச் சொல்கிறார். ஜனவரி 7 அன்று தனது குழந்தையுடன் மாலெகட்சி அலுவலகத்துக்கு வந்த சகுந்தலா, நவராஜ் தனது குழந்தையுடன் சேலம் செல்ல திட்டமிடுவதாகவும் தனக்கு குழந்தை வேண்டும்என்றும் சொல்ல, வேறு வழியின்றி மாலெ கட்சி மாவட்ட குழு உறுப்பினர், தோழர் பொன்.கதிரவன் காவல் துறையினருக்கு புகார் மனு எழுதுகிறார்.அலுவலகத்துக்கு கத்தியுடன் வந்த நவராஜ், தோழர் பொன். கதிரவனை தலையில் அரிவாளால் கடுமையாக தாக்குகிறார். பிறகு தன் நண்பர் வீட்டில் இருந்த சகுந்தலாவையும் சரமாரியாக தாக்குகிறார். பிறகு அரளி விதையை குடித்துவிட்டதாகச் சொல்லி சகுந்தலா சேர்க்கப்பட்ட அதே மருத்துவமனையில் காவல்துறையினரால் சேர்க்கப்படுகிறார். தோழர் பொன்.கதிரவன் தனியார் மருத்துவமனையில் அனுமதிக்கப்பட்டு மூன்று நாட்கள் தீவிர சிகிச்சை பிரிவில் சிகிச்சை பெற்று இப்போது பொதுப் பிரிவில் உள்ளார். அவர் ஆபத்து கட்டத்தை தாண்டிவிட்டதாக மருத்துவர்கள் சொல்கின்றனர். ஆனால் அவர் உடல்நிலையில் பெரிய முன்னேற்றம் இன்னும் இல்லை. ஈரோடு அரசு மருத்துவமனையில் அனுமதிக்கப்பட்ட சகுந்தலா, பின்னர் சேலம் அரசு மருத்துவமனைக்கு மாற்றப்பட்டார். அவர் ஆபத்து கட்டத்தை தாண்டி உடல் நலம் தேறி வருகிறார். இன்னும் மருத்துவமனையில் உள்ளார். இந்தக் கட்டுரை எழுதும் வரை நவராஜ் மீது சகுந்தலா கொடுத்த வாக்குமூலத்தின் அடிப்படையில் முதல் தகவல் அறிக்கை பதிவு செய்யப்படவில்லை. தோழர் பொன்.கதிரவன் மீதான தாக்குதல் தொடர்பான புகார், மற்றும் சகுந்தலாவின் நண்பர் கொடுத்த தாக்குதல் புகார்ஆகியவற்றில் மட்டும் முதல் தகவல்அறிக்கை பதிவு செய்யப்பட்டுள்ளது. ஈரோடு மருத்துவமனையில் உயிருக்குப் போராடிய நிலையில் சகுந்தலா காவல் உதவி ஆய்வாளரிடமும் ஈரோடு குற்றவியல் நடுவரிடமும் வாக்குமூலம் கொடுத்துள்ளார். தனது கணவர் நவராஜ் கருமுட்டை விற்பனைக்கு தன்னை கட்டாயப்படுத்துவதாகவும் குடித்து விட்டு அடிப்பதாகவும் சொல்லியுள்ளார். கருமுட்டை விற்பனைக்கு ரூ.30,000 முதல் ரூ.40,000 வரை பெறுவதாகவும், தரகர்கள் மூலம் அழைத்துச் செல்லப்படுவதாகவும், சேலத்தில் வினாயகா மருத்துவமனை, ஜே.எஸ் மருத்துவமனை, வாழப்பாடியில் ஒரு தனியார் மருத்துவமனை ஆகியவற்றுக்கு தான் அழைத்துச் செல்லப்பட்டுள்ளதாகவும், சில மருத்துவமனைகளின் பெயர்கள் நினைவில்லை என்றும் கேரளாவுக்குக் கூடஒருமுறை அழைத்துச் செல்லப்பட்டதாகவும் சகுந்தலா சொல்லியுள்ளார். சகுந்தலாவை 18 முறை கருமுட்டை விற்பனையில் ஈடுபடுத்தி நவராஜ் ரூ.3 லட்சம்வரை பெற்று செலவழித்துள்ளார். சகுந்தலாவின் சிறுநீரக விற்பனையில் ரூ.1 லட்சம் பெற்று செலவழித்துள்ளார். சகுந்தலா வெட்டுப்பட்டு மருத்துவமனையில் சேர்ந்த பிறகு கருமுட்டை விற்பனை செய்தி பத்திரிகைகளில் வந்த வண்ணம் இருப்பதால், கருமுட்டை வாங்கும் மருத்துவமனைகள் கருமுட்டை தரும் பெண்களை, உண்மையை பேசக் கூடாது என்று தரகர்கள் மூலம் மிரட்டுவதாக சொல்லப்படுகிறது. குற்றவாளிகள் சகுந்தலாக்கள் கதையில் யார் குற்றவாளி? நவராஜ் மட்டுமா? காடு வெளஞ்சென்ன மச்சான், நமக்கு கையும் காலும்தானே மிச்சம் என்ற பாட்டை இன்று மாற்றி எழுத வேண்டும். சிறுநீரகங்கள், கருமுட்டைகள், கருப்பைகள் உள்ளன. அவற்றையும் முதலாளித்துவச் சந்தை ஒரு கைபார்க்கும். 2010 நிலவரப்படி அமெரிக்காவில் கரு முட்டை விற்பனைக்கு 35,000 டாலர் கிடைக்கிறது. படிக்கும்பெண்கள், கடனில் சிக்கிக் கொண்டவர்கள், சேமிப்பு வேண்டும் என கருதும் பெண்கள் அங்கு கருமுட்டை விற்கிறார்கள். பெண் கருமுட்டையை விற்பது, அந்தப் பெண் விரும்பினால், அந்தப் பெண் முடிவெடுத்தால் அதைத் தடுக்க யாருக்கும் உரிமை இல்லை. அவள் உடல். அவள் விருப்பம். ஆனால், இப்போது நடக்கும் கருமுட்டை விற்பனையோ, கருவறை வாடகையோ பெண்ணின் விருப்பப்படி நடப்பதில்லை. உடலுக்குள் ஊடுருவும் ஒரு மருத்துவ செயல்முறையை, அவர்கள் உயிர் காக்கும் அவசியத்தின் போதுகூட, மனிதர்கள் ஒருபோதும் விரும்பி ஏற்பதில்லை. ஆனால் பெண்கள் கருமுட்டை விற்க தயாராகிறார்கள். அமெரிக்காவானாலும், இந்தியாவானாலும் வசதிபடைத்த பெண்கள் கருமுட்டை விற்பனையில், கருவறையை வாடகைக்கு விடுவதில் ஈடுபடுவதில்லை. அடுத்த வாரிசு, ஆண்மையின் அடையாளம் என பிள்ளைபேறு பற்றிய புனித கற்பிதங்கள் நொறுங்கிப் போவது வரவேற்கப்பட வேண்டியதுதான். ஆனால், பெண்ணுடலை வெறும் பண்டமாக்கி, முழுவதுமாகவும், பகுதி பகுதியாகவும், தவணை முறையிலும் விற்பனை செய்து பணம் வரும் வழியை மட்டும் பார்க்கும் முதலாளித்துவச் சந்தை இங்கு குற்றவாளி. என் மனைவியை நான் அடிக்கிறேன், இது என் குடும்பப் பிரச்சனை, உன் வேலையைப் பார்த்துக் கொண்டு போ என்று சொல்லும் ஆணின் உரிமையை, பெண்ணுடல் ஆணுக்குச் சொந்தம் என்ற அதிகாரத்தை, காலம்காலமாக பாதுகாக்க முன்னுரிமை கொடுத்ததில் நவராஜ்கள் உருவாகிறார்கள். சகுந்தலாக்கள் பலி ஆகிறார்கள். ஆணாதிக்க அத்துமீறல் இங்கு குற்றவாளி. உடலுறுப்புக்களை அறுத்து விற்றால்தான் வாழ முடியும். உடலுறுப்புக்களை விற்க முடியும். தமிழ்நாட்டில் இதற்கு நிலைமைகளும் வாய்ப்புக்களும் ஏராளம். சிறுநீரகம் விற்பனை முகவர் பிடிபட்டார் என்ற செய்தி தமிழ்நாட்டுக்கு புதிதல்ல. குமாரபாளையம், பள்ளிபாளையம் பகுதிகளில் விசைத்தறி தொழிலாளர்களை கொத்தடிமை முறையும் சிறுநீரக விற்பனையும் மாறிமாறி பதம் பார்த்தன. இப்போது கருமுட்டை விற்பனை ஒரு திட்டவட்டமான வலைப்பின்னலுடன் இயங்கி வருவது தெரியவருகிறது. பெங்களூர், சேலம், நாகர்கோவில், ஈரோடு, தாராபுரம் போன்ற பகுதிகளில் உள்ள தனியார் மருத்துவமனைகளில் கருமுட்டை வியாபாரம் சட்ட விரோதமாக நடைபெற்று வருகிறது. 2010 முதல், சிறிய பஞ்சாலைகளில் அத்தகூலிக்கு வேலை செய்யும் பெண்களின் கருமுட்டை விற்பனை நடந்து வருவதாகவும்,இது போன்ற நடவடிக்கைகளின் பின்னால் செல்வாக்கு மிக்க அரசியல் தலைவர்கள் மற்றும் காவல்துறை உதவியும் இருப்பதாகவும் சொல்லப்படுகிறது. இவர்கள் அனைவரும் குற்றவாளிகள். தமிழ்நாட்டில் சட்டம் ஒழுங்கு சிறப்பு என்று சொல்கிற ஜெயலலிதா, கருமுட்டை விற்பனை சட்ட விரோதமாக நடப்பதற்கு செழிப்பதற்கு கருணாநிதியையும் அய்முகூவையும் காரணம் காட்ட முடியாது. தமிழகத்தில் இன்று ஆட்சி செய்வது ஜெயலலிதா. அவர் தான் பதில் சொல்ல வேண்டும். அரசுதான் குற்றவாளி. பிரசவம் பார்க்க வந்த பெண்ணை விரட்டியடித்த பொது மருத்துவமனை இருக்கிற சேலத்தில் சட்டவிரோதமாக கருமுட்டை வாங்க தனியார் மருத்துவமனைகள் இருக்கின்றன என்றால் பதில் சொல்ல வேண்டியது ஜெயலலிதாதான். மாநிலத்துக்கு வருவாய் ஈட்டும் நல்லெண்ணத்துடன் ஜெயலலிதாவால் பாதுகாக்கப்படும் டாஸ்மாக் உட்பட பெண்களின் படுபாதகமான வாழ்க்கை நிலைமைகளை உறுதிப்படுத்துகின்றன. போதைப் பொருட்கள் மற்றும் குற்றங்கள் தொடர்பான அய்நா அமைப்பு சமீபத்தில் வெளியிட்டுள்ள அறிக்கை ஒன்றில் தமிழ்நாட்டைச்சேர்ந்த பெண்கள் கடத்திச் செல்லப்பட்டு மும்பையிலும் டில்லியிலும் விற்கப்படுகிறார்கள் என்று சொல்கிறது. வறுமையால் வேறு வழியின்றி மூன்று வேளை உணவாவது கிடைக்கட்டுமே என்று பெற்றோர்களாலேயே அனுப்பப்படும் குழந்தைகள் தவிர, குழந்தைகள் கேரளா போன்ற மாநிலங்களுக்கு கடத்திச் செல்லப்பட்டு பல்வேறு வேலைகளைச் செய்ய நிர்ப்பந்திக்கப்படுகின்றனர். பெண்கள் மீதான குற்றங்கள் தொடர்பாக நடவடிக்கை எடுக்க 13 அம்ச திட்டம், குண்டர்சட்டம் என்றார்களே, சகுந்தலா கொடுத்த புகாரை காவல்துறை முறையாக பதிவு செய்து விசாரணை செய்திருந்தால், தோழர் பொன்.கதிரவன் மீதான தாக்குதல் தடுக்கப்பட்டிருக்கும். சகுந்தலாவுக்கு உண்மையிலேயே நவராஜிடம் இருந்து விடுதலை கூட கிடைத்திருக்கலாம். சகுந்தலா கொடுத்த புகார் மீது முறையான நடவடிக்கை எடுக்காமல், அதை கணவன் - மனைவி பிரச்சனையாக்கி அலட்சியப்படுத்திய காவல்துறை அதிகாரிகள் இங்கு குற்றவாளிகள். பெண் தொழிலாளர்கள் தமிழ்நாட்டில் தொழிலாளர் என்ற வகையினமே இல்லை என்பது போல் ஜெயலலிதாவின் இரண்டரை ஆண்டு கால நடவடிக்கைகள் அமைந்துள்ளன. அவர்கள் பற்றி பேசினால்,ஜெயலலிதாவுக்கு ஷாக் அடிக்கும். அதனால் பேச மறுக்கிறார். தமிழ்நாட்டின் பெண் தொழிலாளர்கள் சுமங்கலித்திட்டம் முதல் விற்பனை ஊழியர்கள் ஊடாக கீபோர்டு அடிமைத்தனம் வரை கடுமையான உழைப்புச் சுரண்டலுக்கு உள்ளாக்கப்படுவதற்கு அப்பால் பெண் தொழிலாளர்களின் வாழ்க்கை எவ்வித பாதுகாப்பும் கவுரவமும் அற்றதாக இருப்பதையும் கருமுட்டை விற்பனை வெளிச்சத்துக்கு கொண்டு வந்துள்ளது. சகுந்தலாவுக்கு கணவன் நிர்ப்பந்தம். கரு முட்டை விற்பனைக்கு உள்ளாக்கப்பட்ட ஒவ்வொரு பெண்ணுக்கும் விதவிதமான நிர்ப்பந்தங்கள் இருக்கக்கூடும். அடிப்படையில் அது பொருளாதார நிர்ப்பந்தம். கவுரமான ஊதியம், பிறவேலை நிலைமைகள் இருந்தால், வறுமை விரட்டாதிருந்தால், யாரும் கருமுட்டையையும் சிறுநீரகத்தையும் விற்க முன் வர மாட்டார்கள். தேவை சில உடனடி நடவடிக்கைகள் ஜெயலலிதா பிரதமராகி நாட்டை காக்க வேண்டும் என்று ரத்தத்தின் ரத்தங்கள் விரும்புகின்றன. ஒட்டு மொத்த இந்திய மக்கள் வாழ்வு காக்கும் பெரிய பணி எதிர்வர இருப்பதால், மக்கள் நல்வாழ்வு வாழ 2014 மே மாதம் வரை காத்திருங்கள் என்கிறார். அதுவரை தமிழ்நாட்டின் பெண்கள் வதை முகாம்களில் வதைபட முடியாது. 40 வேண்டும் என்று சொல்கிற ஜெயலலிதா,பாதுகாப்பு, கவுரவம் கோரும் தமிழக பெண்கள் குரலுக்கு உடனடியாக செவி சாய்க்க வேண்டும். தமிழ்நாட்டில் பெண்களை நிர்ப்பந்தப்படுத்தி சட்டவிரோதமாக கருமுட்டை விற்பனை நடப்பது பற்றி நீதி விசாரணை நடத்தப்பட வேண்டும். கருமுட்டை விற்பனையில் ஈடுபடும் மருத்துவமனைகள், மருத்துவர்கள், தரகர்கள் ஆகியோர் பற்றி, விசாரணை மேற்கொள்ளப்பட வேண்டும். கருமுட்டை தானம், கருவறை வாடகை ஆகியவற்றை முறைப்படுத்த, மத்திய அரசை கை காட்டாமல், உடனடியாக சட்டம் உருவாக்க வேண்டும். சட்டத்தை மீறுபவர்கள் மீது நடவடிக்கை எடுக்கப்படவேண்டும். பெண்களின் கருமுட்டைகளை தானமாகத் தருகிறோம் என்ற பெயரில் தனியார் மருத்துவமனைகள் விற்பனையில் ஈடுபடுவதை கண்காணிக்க வேண்டும். விற்பனையில் ஈடுபடும் மருத்துவமனைகள் மீது நடவடிக்கை எடுத்திட வேண்டும். கணவன்மார்கள் மனைவிமார்களை கருமுட்டை விற்பனையில் கட்டாயப்படுத்தி ஈடுபடுத்தினால் கடுமையான நடவடிக்கை எடுக்க வேண்டும். இது தொடர்பாக காவல் நிலையங்களில்பெண்கள் புகார் கொடுத்தால் வழக்கைப் பதிவு செய்து உடனடியாக உரிய நடவடிக்கை எடுக்க வேண்டும். இறுதியாக பாஜக பிரதமர் வேட்பாளரான மோடி முதலமைச்சராக இருக்கிற குஜராத்தில் உள்ள ஆனந்தில் அகன்ஷ்கா கிளினிக்கில் கருவறை வர்த்தகம் ஆகப் பிரமாதமாக நடக்கிறது. இங்கு வறிய பெண்களுக்கு ஒரு கருத்தரிப்புக்கு அதிகாரபூர்வ வருமானம் ரூ.3,30,000 முதல் ரூ.4,62,000 வரை தரப்படுகிறது என்று தருபவர்கள் சொல்கிறார்கள். (குஜராத் பெண்கள் நிச்சயம் இந்தத் தொகை பெறுவதில்லை). இந்தியாவில் இதற்கு ஆகிற மொத்த செலவும் ரூ.7,92,000. இது அமெரிக்காவில் ரூ.46,20,000. அதனால் அமெரிக்கர்கள் பலர் குஜராத் பெண்களின் கருவறையை வாடகைக்கு எடுக்கின்றனர். மோடி தனது வளர்ச்சி பெருமிதத்தில் இந்த வகை குஜராத்பெண்களை காட்டுவதில்லை. அங்கு கருவறை என்றால், இங்கு கருமுட்டை. அங்கும் பிரதமர் கனவு. இங்கும் பிரதமர் கனவு.

...Full Text